Dt:06.06.2026
సిద్దిపేట,
సిద్ధిపేట జిల్లాలో నూతనంగా మంజూరైన (86) పూర్వ ప్రాథమిక పాఠశాలలను ఈ విద్యా సంవత్సరం నుండి స్థానిక ప్రాథమిక పాఠశాల మరియు ప్రాథమికోన్నత పాఠశాలల్లో ప్రారంభించడం జరుగుతుంది. ఈ పాఠశాలల్లోని విద్యార్ధులకు బోధించడానికి మహిళా బోధకులు మరియు మహిళా ఆయాలను నియమించుటకు గౌరవ జిల్లా కలెక్టర్, సిద్ధిపేట గారు అనుమతించారు. అందుకుగాను స్థానిక మహిళా అభ్యర్థుల నుండి దరఖాస్తులు కోరబడుతున్నవి.
1. బోధకులుగా పనిచేయుటకు అర్హతలు:
ఇంటర్మీడియట్ లేదా తత్సమాన అర్హత.
పూర్వ ప్రాథమిక లేదా ప్రాథమిక విద్య కోర్సు చేసిన వారికి మొదటి ప్రాధాన్యత ఇవ్వబడును.
గౌరవ వేతనం: రూ.8,000/- నెలకు
2. ఆయాగా పనిచేయుటకు అర్హతలు:
7వ తరగతి ఉత్తీర్ణత.
గౌరవ వేతనం: రూ. 6,000/- నెలకు.
3. వయస్సు:
నోటిఫికేషన్ నాటికి 18 సంవత్సరాల నుండి 44 సంవత్సరాల వరకు.
4. వయో సడలింపు:
SC/ST/BC/EWS అభ్యర్థులకు 5 సంవత్సరాలు.
మాజీ సైనిక ఉద్యోగులకు 3 సంవత్సరాలు.
దివ్యాంగులకు 10 సంవత్సరాలు.
5. స్థానిక అభ్యర్థులకు మొదటి ప్రాధాన్యత ఇవ్వబడును.
దరఖాస్తులు సంబంధిత మండల విద్యాశాఖ అధికారి కార్యాలయంలో తేదీ 08.06.2026 నుండి 12-06-2026 వరకు సాయంత్రం 5:00 గంటలలోపు స్వీకరించబడును.
దరఖాస్తు పత్రాలు మరియు ఇతర వివరాలు సంబంధిత మండల విద్యాశాఖ అధికారి కార్యాలయంలో లేదా www.deosiddipet.in వెబ్సైట్లో పొందగలరు.
వి.శాస్త్రి
జిల్లా విద్యాధికారి & పదవిరీత్యా, డిపిఓ, ఎస్ఎస్, సిద్దిపేట.
